بسم الله الرحمن الرحيم
السلام عليكم ورحمة الله وبركاته .. تحية طيبة وبعد
اخواني واخواتي الاعزاء بطرح عليكم موضوع منتشر عندنا في الدولة ولين اليوم محد تحرك وحط حل لهذي الصيبة ( المصخرة ) اللي عندنا
ندخل في الموضوع
الموضوع يتكون من 4 عناصر وهم :
الخدم ( البشاكير ) + الكفيل + وزارة العمل + حقوق الانسان
بعطيكم مثال يصير عندنا دايماً وسبحان الله ماله اي حل عند المسؤولين لين اليوم :
الكفيل ( مواطن أو وافد )
يروح مكتب الخدم ، يقدم على خادمة ويدفع تقريبا 5000 درهم
يعمل فيزا ويدفع رسوم الصحة تقريبا الرسوم كلها 7000 درهم
انتهينا من الكفيل

الخدم ( البشاكير )
البشكارة بعد هذا التعب اللي تعبه الكفيل المسكين اذا عجبها الوضع تراها تمت
بس اذا ما عجبها الوضع شردت وراحت تشتغل برع بشكل غير قانوني وراح الكفيل
المسكين الجوازات والاقامة يبلغ عن هروب الخادمة .

وزارة العمل + حقوق الانسان
بعد ما شردت البشكارة لمدة يوم أو 20 سنة يقوم الكفيل المسكين يدفع قيمة التذكرة
للبشكارة الهاربة واذا ما دفع بيسكرون بطاقته وبيرفعون عليه قضية بعد
( حقوق الانسان )

اوكي وين حقوق الانسان للكفيل ولا هذي مسوينها حق البشاكير بس
سبحان الله

في الاردن
اذا شردت البشكارة وزخوها تدفع قيمة التذكرة ويسجنونها ويحرمونها من دخول الاردن مرة ثانية
بس عندنا لا يدفعولها قيمة التذكرة وبعد شهرين تشوفها تشتغل عند بيت الجيران

في الكويت
نفس نظام الاردن والحمدالله ماعندهم مشاكل للهروب والبشاكير ما يشردن لانهن عارفات القانون

في زمنا هذا القانون واقف ويا البشاكير لو كانوا غلطانين بيطلعون البشاكير هم الصح واحنا الغلط دنيا غريبه
بس اللعبه هنيه
( اشرد وبوفرلك تذكرة )
يارب نشوف حل لهذي المصخرة